Viðskiptastjóri hugbúnaðarlausna

Boðleið leitar að viðskiptastjóra hugbúnaðarlausna til að leiða Odoo verkefni viðskiptavina frá þarfagreiningu að afhendingu. Við leitum að einstaklingi með reynslu af verkefna- og teymisstjórnun, góðan tæknilegan skilning og hæfni til að vinna náið með viðskiptavinum og þróunaraðilum.

Hugbúnaðardeildin sinnir innleiðingu, aðlögun og þróun lausna í Odoo fyrir viðskiptavini. Þú heldur utan um samstarf við viðskiptavini, leiðir og styður þróunarteymið í daglegri vinnu og sinnir jafnframt uppsetningu og stillingum í Odoo, prófunum og fræðslu viðskiptavina.

Starfið heyrir undir framkvæmdastjóra Boðleiðar.

Helstu verkefni og ábyrgð

• Skipuleggja og stýra innleiðingum, þróunarverkefnum og umbótum fyrir viðskiptavini.
• Greina þarfir og verkferla viðskiptavina og móta skýrar verkefnalýsingar í samstarfi við þróunaraðila.
• Leiða og styðja þróunarteymið, forgangsraða verkefnum og fylgja framvindu þeirra eftir.
• Gera verkefna- og tímaáætlanir og fylgjast með umfangi, kostnaði, gæðum og framvindu verkefna.
• Sinna uppsetningu og stillingum í Odoo og prófa lausnir fyrir afhendingu.
• Veita viðskiptavinum ráðgjöf, fræðslu og stuðning við innleiðingu nýs verklags.
• Halda utan um samskipti við viðskiptavini, samstarfsaðila og birgja.
• Tryggja góða skjölun og afhendingu lausna.
• Koma að tilboðsgerð og þróun þjónustuframboðs.

Menntun, hæfni og reynsla

• Menntun sem nýtist í starfi, til dæmis á sviði viðskiptafræði, lögfræði eða tölvunarfræði.
• Reynsla af verkefna- og teymisstjórnun eða sambærilegu starfi, til dæmis við kerfisinnleiðingar, hugbúnaðarþróun eða tækniráðgjöf.
• Góður tæknilegur skilningur og geta til að tileinka sér ný kerfi og lausnir.
• Hæfni til að greina viðfangsefni, afmarka verkefni og móta skýrar verkefnalýsingar.
• Hæfni til að útskýra tæknileg viðfangsefni fyrir viðskiptavinum.
• Góð samskipta- og leiðtogahæfni.
• Sjálfstæð og skipulögð vinnubrögð, frumkvæði og eftirfylgni.
• Góð íslensku- og enskukunnátta í ræðu og riti.
• Reynsla af Odoo eða öðrum viðskiptakerfum er kostur.
• Reynsla af fyrirtækjarekstri, til dæmis veitinga- eða verslunarrekstri, er kostur.

Við bjóðum upp á

• Sveigjanlegan vinnutíma.
• Hádegismat á vinnustað.
• Fjölbreytt verkefni og náið samstarf við viðskiptavini.
• Tækifæri til að hafa áhrif á þróun þjónustu og verklags.

Umsókn

Umsóknarfrestur er til og með 27. nóvember 2026. Umsókn skal fylgja ferilskrá og stutt kynningarbréf þar sem fram kemur hvernig reynsla og hæfni nýtist í starfi.

Nánari upplýsingar fást með því að senda fyrirspurn á starf@bodleid.is. Farið er með allar umsóknir sem trúnaðarmál.

Um Boðleið

Boðleið veitir fyrirtækjum þjónustu á sviði upplýsingatækni, fjarskipta, viðskiptahugbúnaðar og netöryggis. Við vinnum með viðskiptavinum að lausnum sem einfalda daglegan rekstur og styðja við starfsemi þeirra.